استنزاف الطلبه الطريق لبناء جامعة كفر الشيخ

من : شباب 6 ابريل
كتب احمد مصطفى
---------------

تتفنن جامعة كفر الشيخ في استنفاذ أموال الطلاب بشتي الطرق الممكنه لاستغلالها في بناء الجامعه.فبعد ان اصبحت كفر الشيخ جامعه مستقله بذاتها عن طنطا منذ 3 سنوات وارتفعت مصاريفها ارتفاع جنوني واصبح الاستغلال هو الاسلوب السائد بالجامعه في مختلف الخدمات اللي تقدمها الجامعه سواء مصاريف السنه الدراسيه او الاوراق التي تقدمها الجامعه للطلاب من منافذ شئون الطلبه ورعاية الطلاب.

فمصاريف السنه الدراسيه ترتفع كل سنه عن الاخري ارتفاع زائد عن الحد,ومجرد التفكير في الدخول لشباك شئون الطلاب فإنك سيدفع الطالب مبلغ مالي يختلف باختلاف الخدمه المطلوبه فمثلا للكليات العمليه_مثل هندسة وعلوم_عند الحصول علي طلب من الكليه لتقديمه للشركه المراد التدريب بها تدفع 70 جنيه,مع العلم ان هذا الطلب في بعض الجامعات يكون مجانا مهما كان عدد الطلبات التي تريد الحصول عليها مثل جامعة القاهره ويكون بأجر رمزي في جامعات اخري.و قد حصل موقع " شباب 6 ابريل " علي صورة من طلب تدريب توضح خلفية الطلب وهي عبارة عن 5 طوابع قيمة كل طابع 5 جنيه يعني 20 جنيه بالاضافه الي طابع واحد قيمته 30 جنيه و ايضا 20 طابع قيمة كل منهم 1 جنيه يعني 20 جنيه و بقيمه اجماليه لمجمل الطوابع 70 جنيه

وقد توصل موقع " شباب 6 ابريل " الي معلومات الي ان سياسات مستقبلية بداخل الجامعات المصرية تفيد أنه سوف يتم الاعتماد علي الاكتفاء الذاتي لكل جامعه , و علي الرغم من ان كلمة الاكتفاء الذاتي تدخل في اطار خصخصه التعليم العالي ويأتي ذلك في اطار سناريوهات التعليم المفتوح و التعليم الخاص الي انها تعتمد علي اربع مصادر رئسية من المفروض تقويتهم معا و هم جزء من الدولة وجزء ثان من تبرعات المجتمع المدني وخاصة رجال الأعمال وجزء ثالث من قدرة الجامعة علي بيع منتجها العلمي في صورة مشاريع سواء للمجتمع المحلي أو الخارجي وجزء رابع من الطلاب المستفيدين من العملية التعليمية ولكن يتضح لنا ان الحكومة تقوم بتقوية الجزء الرابع فقط دون النظر الي الاجزاء الثلاث الباقية . *

لم يتوقف الظلم عند شيئ معين ولكنه ينتشر بوجود كل الاساليب الجديده الي تبتكرها الحكومه في حياتنا بأكملها.في المدرسه والجامعه والشارع والخدمات الاساسيه للشعب ..ومن يجرؤ علي الاحتجاج علي هذا الاسلوب الذي تتبعه الجامعه فإنه عرضه للرسوب أو الاجراءات التعسفية خلال السنه الدراسيه .

------
*(الكلام ده غير دستوري وغير قانوني أصلاً ... مافيش حاجة في الدنيا كلها تقول ان التعليم اللي هو حق للمواطنين على الدولة، يتحول على ايدين شلة الحرامية دي الى مصدر دخل ليهم، والطلبة وأهاليهم يكـُعُّوا دم قلوبهم علشان يبنوا الجامعة على حسابهم، طب هم بياخدوا ضرايب من الناس يهببوا بيها ايه؟ ومصاريفنا اللي أساساً غالية جداً بتتصرف على ايه؟ ..، وفي الآخر لما تتخرج ... ابقى قابلني لو لقيت شغل بشهادتك دي، اللي الحكومة هاتخليك تدفع تمنها هي كمان من قوتك وقوت أهلك علشان في الآخر تنضم لملايين العاطلين عن العمل في البلد المنهوبة دي.)
لازم نقاوم المخطط العصابي اللي اسمه خصخصة التعليم ده في كل جامعات مصر بقوة الحركة الطلابية.
-محرر المدونة-
------
شكراً:
اشتراكي من مصر
عرباوي