السبت، 31 أكتوبر، 2009

Our BookMarx مختاراتنا 10/31/2009

  • مصر فيها 2,5 مليون طالب جامعي، أكتر من نصهم (بالضبط 1,6 مليون) طلاب بالانتساب الموجه.

    لمصلحة مين بيتم حرمانهم من محاضراتهم؟

    مين مستفيد من الغاء نظام الانتساب الموجه؟

    وزير التعليم العالي أعلن خلاص الاسبوع اللي فات في الفيوم ان نظام الانتساب سيتم الغاؤه بحلول عام 2010..

    طب كان ليه بأه الضحك على الدقون من الأول والتحجج بأنفلوانزا الخنازير؟

    علشان رجال الأعمال اللي بيتاجروا بالتعليم في الجامعات والمعاهد الخاصة يلاقوا زباين يتربحوا على حساب تعليمهم مليارات ومليارات.
    رجال الأعمال اللي شاركوا هما وخبراء من البنك الدولي في وضع خطة لخصخصة التعليم مع وزارة التعليم العالي واللي أعلن عنها في "مؤتمر تطوير التعليم العالي" في فبراير سنة 2000.

    رجال الأعمال اللي عايشين في قصور وعيالهم بيتعلموا أحسن تعليم وبيشتغلوا في أرقى المناصب بعد مايتخرجوا هم اللي هايقدروا على تكاليف التعليم الخاص اللي بعشرات الالاف.
    وولاد الناس الغلابه اللي زينا مش هايلاقوا حتى مكان في الجامعات الحكومية بعد ما يخصخصوا التعليم.

    لازم نوحد صوتنا كلنا ونرفض القرار ده بكل الطرق اللي نقدر عليها.
    القضية محاولة ولازم نتابع أخبارها ونعرف ميعاد الجلسة امتى ونروحها، ونتدخل فيها ونعرفهم ان احنا عددنا مش قليل ولا قوتنا قليلة، لازم ننظم مظاهرات في جامعاتنا اللي ابتدت تحرم طلاب الانتساب من حضور المحاضرات، وندور على الحركات اللي ابتدت تشتغل على الموضوع زي حركة حقي اللي الطالب اللي رافع القضية دي بينتميلها، وهم بيقعدوا عند التمثال بتاع سياسة واقتصاد في جامعة القاهرة وليهم مدونة على النت للي عايز يتعرف عليهم أكتر."

    Tags: education, Students, Egypt, Activism, cairouniversity, hakycairo, Socialists


Posted from Diigo. The rest of socialiststudentscairo group favorite links are here.

0 اترك تعليق Comments: