جلسة لمناقشة الدعوى المرفوعة ضد رئيس جامعة القاهرة ووزير التعليم العالي

حددت هيئة مفوضي الدولة موعداً لمناقشة الدعوى التي رفعها أحد طلاب حركة حقي بجامعة القاهرة ضد قرار رئيس الجامعة ووزير التعليم العالي بالغاء محاضرات طلاب الانتساب والانتساب الموجه، وسوف تنعقد الجلسة غداً الاثنين 10 مايو في التاسعة صباحاً وتنظرها دائرة 6 تعليم بمجلس الدولة.

ورقة حقوقية حول قضية الانتساب الموجه

ورقة حقوقية حول قضية الانتساب الموجه

بيان: النهارده الانتساب .... بكره الدور على الانتظام

النهارده الانتساب .... بكره الدور على الانتظام

المعركة صعبة لكن مش مستحيلة .. احنا بدأنا ومش هاننجح الا بمشاركة أكبر عدد من زمايلنا .. ولازم يبقى نفسنا طويل

من مظاهرة الأربع اللي فات في جامعة القاهرة - حركة حقي

يوم الأربع اللي فات (7-10-2009) كان فيه تجمع قامت بيه حركة حقي بمشاركة أكثر من 250 طالب انتساب

وكان فيه مظاهرة لفت الجامعة كلها

وكان فيه حملة جمع توقيعات تجاوزت الألف ونصف توقيع

وكان فيه صحافة موجودة بتصور وبتكتب

وبرامج تليفزيون زي (الحياة اليوم) استضافت مداخلات من طلبة الانتساب

وجات تاني يوم الخميس الضهر وصورت معانا وقولنا انه الجامعة فيها أماكن تكفي محاضراتنا وتفيض

وان الادارة لو كانت خايفة علينا من الأنفلوانزا كانت على الأقل حطت صابونه واحدة في أي حمام من حمامات الجامعة!!!

ودلوقتي بنجمع ورق قانوني وبنوكل محاميين علشان نرفع قضية على وزارة التعليم العالي ورئيس الجامعة علشان يتلغي القرار ... ولسه

لمعلومات أكثر زوروا مدونة حركة حقي
www.hakycairo.blogspot.com
أو اتصلوا بينا على
0161413163

حركة حقي السنتين اللي فاتوا خاضت معركة صعبة مع الادارة لانتزاع الحق في الكتاب الجامعي المدعم ونسقت مع كل الأطراف والتيارات الطلابية الأخرى وتم تتويج هذا التنسيق بمظاهرة واضراب جزئي عن الدراسة في 6 ابريل الماضي مما أجبر الادارة على عقد مؤتمر مع الطلاب حضرنا فيه بقوة وأصررنا على انتزاع قرار بدعم الكتاب الجامعي وبالفعل نجحنا في ذلك واسألوا زمايلنا في كلية تجارة على أسعار الكتب اللي نزلت من 30و40 جنيه الى 5 جنيه

لكن طبعاً الإدارة ماكانتش هاتسيبنا أبداً نحتفل بالنصر ده من غير ماتنكد علينا بقرار الغاء محاضرات الانتساب اللي هو في الحقيقة مش علشان يحمونا من الأنفلوانزا لكن علشان يمهدوا لإلغاء نظام الانتساب ككل

والفرصة بتاعتهم ان السنة اللي جاية مافيش سنة أولى هاتدخل الجامعة علشان السنادي مافيش 3 ثانوي بسبب اختراع سنة 6 ابتدائي اللي طلعوا بيه من كام سنه

ده غير ان الوزير صرح في أكتر من مناسبة عن نية الوزارة لالغاء نظام الانتساب لكن اللي مش بيقوله طبعاً ان مصاريف الانتساب بعد مايتحول لتعليم مفتوح هاتتجاوز ال2000جنيه في السنة

ده غير الكتب والمراجعات اللي هانضطر ناخدها علشان ماعادش لينا محاضرات لحد ما نتحول للتعليم المفتوح السنة اللي جاية
أو لو هايبقى فيه محاضرات هاتبقى كلها متجمعة في يوم الجمعة يعني حوالي12 ساعة محاضرات..وابقوا قابلوني اذا فهمنا حاجة بعد المحاضرة الثالثة بالكتير اذا سيبنا القرار ده يتطبق

الحل ان احنا ننظم نفسينا وكل واحد فينا يشوف هو هايقدر يساعد في أنهي جزء من الحملة اللي حركة حقي ابتديتها وبنتمنى إن كل طلاب الانتساب يشاركونا

احنا موجودين كل يوم من الساعة 12 ظهراً عند تمثال سياسة واقتصاد
عدوا علينا وكلمونا على التليفون اللي مكتوب في أول البوست فوق

نتمنى نقابلكم ابتداءً من بكره

سلام

من آراء الطلاب حول الغاء محاضرات الانتساب

*صور يا عم المحاضرة
اصلها هتبقى فرجة
والى ما يشترى يتفرج
ما هى تجارة بقت على المحطة
هتتزاع فى كل حتة
مهو تعليم اونطة
هات يا عم العدة
قهاوى وشيشة وطاولة
وبلياردو برضه لزوم القعدة ...
------------------

*من تعريف مجموعة حمله لالغاء قرار المحاضرات التلفزيونيه لطلاب انتساب جامعه القاهره على فيسبوك
كلمات: هبة سعد

الانتساب برّه بدون تفسير... والحجة أنفلونزا الخنازير

مع إتجاه الدولة في مصر لخصخصة التعليم وبدء نظام التعليم المفتوح بدون قيود, استقرت إدارة الجامعة على إلغاء الانتساب في محاولة منها لتوجيه إمكانيات الجامعة للتعليم المفتوح الذي يعد أول خطوة في طريق خصخصة الجامعة .

وقد جاءت أنفلونزا الخنازير بمثابة الفرصة التي انتهزتها إدارة الجامعة للبدء في مخططها؛ فبدلاً من مواجهة المرض بشكل علمي وتوفير رعاية صحية حقيقية بالجامعة وإعادة توزيع المحاضرات على كل الأماكن الصالحة للدراسة بالجامعة، قررت الإدارة أن طلبة الانتساب هم حاملوا المرض وبالتالي يجب التخلص منهم.

ومن هنا علينا أن نواجه هذه الخطط منذ البداية قبل أن يأتي الدور على الانتظام

مظاهرة حركة حقى بجامعة القاهرة أمس، ضد إلغاء محاضرات الانتساب

تغطية من اليوم السابع